മംഗളൂറു(www.truenewsmalayalam.com 31 july 2019) :മംഗളൂറു വിമാനത്താവളത്തിൽ പരിശോധനയ്ക്കിടെ യാത്രക്കാരന്റെ ബാഗിൽ നിന്ന് രേഖകളില്ലാത്ത ബുള്ളറ്റുകൾ കണ്ടെടുത്തു.മംഗളൂറു അന്താരാഷ്ട്ര വിമാനത്താവളത്തിലെ ആഭ്യന്തര വിഭാഗത്തിൽ സ്ക്രീനിംഗ് പ്രക്രിയ കൈകാര്യം ചെയ്യുന്ന സി.ഐ.എസ്.എഫ് ഉദ്യോഗസ്ഥരാണ് യാത്രക്കാരന്റെ ബാഗിൽ നിന്ന് ബുള്ളറ്റുകൾ കണ്ടെടുത്തത്.
ബുധനാഴ്ച രാവിലെയാണ് സംഭവം നടന്നത്. ഇൻഡിഗോ എയർലൈൻ ഫ്ലൈറ്റ് 6 ഇ 295 മുംബൈയിലേക്ക് പോകാനിരുന്ന സഞ്ജീവ് ഡി ഷെട്ടി എന്ന യാത്രക്കാരന്റെ ബാഗേജിൽ നിന്ന് സിഐഎസ്എഫ് അസിസ്റ്റന്റ് സബ് ഇൻസ്പെക്ടർ സോനം ഗുപ്തയാണ് ബുള്ളറ്റുകൾ കണ്ടെടുത്തത്.
അന്വേഷണത്തിൽ, ഈ യാത്രക്കാരന്റെ പക്കൽ ബുള്ളറ്റുകൾ കൈവശം വയ്ക്കുന്നതിന് സാധുതയുള്ള ലൈസൻസ് ഇല്ലെന്ന് കണ്ടെത്തി. ബ്യൂറോ ഓഫ് സിവിൽ ഏവിയേഷൻ സെക്യൂരിറ്റി (ബിസിഎഎസ്) മാർഗ്ഗനിർദ്ദേശങ്ങൾ അനുസരിച്ച്, പിടിച്ചെടുത്ത ബുള്ളെറ്റുകൾക്കൊപ്പം യാത്രക്കാരനെയും കൂടുതൽ നിയമനടപടികൾക്കായി ലോക്കൽ പോലീസിന് കൈമാറി.
Post a Comment